Home | Databases | WorldLII | Search | Feedback Vanuatu Practice Directions

  Download original PDF

Protokol blong Patisipesen long Kot Kes Hearing tru long video o Audiovisuel (AVL) - 9 March 2022

Protokol blong Patisipesen long Kot Kes Hearing tru long video o Audiovisuel( AVL)

9 Maj 2022

Introdaksen

1. Yu nid blong ridim Protokol ia tugeta wetem Covid-19 Protokol we I kamaot long semak deit (9 Maj 2022) wea yumi kam blong luksave se bae yumi nid blong yusum moa audiovisuel (AVL) blong harem olgeta kes mo bae hemia nao niufala wei blong folem taem kantri hemi muv long Level 0 i go long level 1,2 mo 3 blong Covid-19 restriksen.
   
2. Protokol ia i applae long evri kes blong Suprim Kot we Kot i alawem wan o moa loeia o olgeta pati we oli nogat loeia (“patisipen”) blong patisipet wan long kot kes be we oli no stap tugeta long wan rum be oli konekt tru long teknoloji. Semak proses ia bae i aplae long Majistret Kot taem we oli instolem olgeta fasiliti ia long hem. Olgeta kaen hearing ia oli rifea long olgeta se hearing tru long video o telefon. Kot nao bae i mekem wan dareksen blong wan “remote hearing” i tekem ples. Be hemia bae i no stopem olgeta we oli no wantem patisipet long “remote hearing” blong kam atendem kot. Be spos Kot i direktem evri patisipen blong apia long “remote hearin” be bae oli mas folem dareksen ia.
   

100. Long Protokol bae yumi yusum toktok ia “ Registra” lo general meaning. Eni ofisa blong Judisiari we i stap mekem wok blong Registra long taem we kot i stap harem wan kes bae hemi save asistim olgeta we oli attendem kes ia tru long Audisovisuel. Ofisa ia maet be wan klak blong kot, sekretari blong Jaj o wan narafala ofisa blong Kot.
     

4. Fulap taem, ol memba blong pablik we Kot i rikwaerem presens blong olgeta oli save dipen long loeia blong asistim olgeta blong patisipet long hearing blong kes blong hem tru long video conferens. Eniwan we i nogat loeia hemi save go long Kot haos o askem long ol staf blong Rejistri blong helpem hem blong save patisipet.lo hearing blo case blo hem true video conference.
   
   5. I gat diskasen i stap gohed blong asistim Koreksonel Sevis blong provaedem AVL blong olgeta we oli stap long prison haos, be kasem taem we hemi komplit mo oli instolem ol nesesari tul ia, i nogat eni pat long pepa ia we i dil wetem AVL mo olgeta pipol long prison. Spos hemi nesesari, bae Koreksonel Sevis nao i putumaot wan Protokol afta konsaltesen wetem Judisiari.
      

Setemap

6. Teknoloji ia hemi avelabol naya tru long softwea aplikesen TrueConf, wan applikesen we gavman blong Vanuatu i apruvum. Hemi aplikesen we i stap blong yusum spos i gat nid blong hem, be bae i gat taem we sam pati we oli nogat akses long TrueConf oli save prosposem wan narafala softwea. Olgeta staf blong Rejistri oli nid blong letem Judisel ofisa i save taem we eni pati long wan kes i rikestem blong yusum wan narafala softwea.
   
7. Taem wan patisipen i askem blong joenem wan kot kes long TrueConf, ol staf oli mas tekem step, spos we oli no mekem yet, blong krietem wan usanem mo paswod. Taem i gat propa notis bae Rejistri hemi mekem sua se oli folem ol step ia taem oli risivim wan rikwest. Wan patisipen i nidim wan “browser” softwea mo wan strong mo gud intanet koneksen, wan komputa o laptop wetem wan maekrofon mo wan kamera. Usanem mo paswod we Rejistri hemi krietem mo givim hemi blong wanwan patisipen mo olgeta oli NO MAS givimaot long naraman.
   
8. Taem we hemi konekt, patisipen i mas mekem sua se hemi sidaon long wan ples we i gat klia bakraon- hemia hemi help blong daonem ol movmen long pija we ol narafala patisipen oli stap luk.
   
9. Spos yu wantem folem kes onlaen be yu no save mitim ol rikwaemen ia plis letem ol staf blong Rejistri oli save kwiktaem.
   

Test Kol

10. Spos i gat inaf taem bifo kot i sidaon, bae Rejistri hemi askem yu blong patisipet long wan test Kol. Spos olsem:
    
    1. Bae Registri i putum wan deit mo taem blong mekem wan test kol;
       
    2. Ol hearing long TrueConf – long taem ia bae Rejistri i givimaot wan usanem mo paswod finis long patisipen. Spos we yu no risivim hemia yet, yu mas rikwestem kwiktaem;
       
    100. Spos we yu login finis long TrueConf long komputa o laptop blong yu long taem we oli givim long yu bae yu harem spos oli ringim yu mo yu ansarem kol we i kamaot long foret blong computa o laptop blong yu. Yu save stretem maekrofon mo spika blong yu afta we yu konekt;
         
    4. Rejistri bae i mekem sua se evri patisipen oli save luk mo harem ol narafala mo bae oli explenem olsem wanem nao system ia i wok. Spos yu gat eni kwestin long ol kaen hearing ia o wanem ia wan “remote hearing”, hemia janis blong yu blong askem.
       
    5. Bae yu no nid blong dresap fomol long taem blong wan test kol;
       
    6. Bae oli save canselem wan test kol spos i nogat inaf taem blong pripea from wan wan usa i mas tekem taem blong save olsem wanem blong yusum ekwipmen ia.
       

Remote hearing (Hearing lo distance o tru video)

11. Loeia we i apia long wan difren ples tru long “remote hearing” i no nid blong werem gaon; be hemi nid blong dresap fomol
    

50. Taem yu apia long “remote hearing” yu no nid blong stanap. Yu sidaon nomo.
    

13. Bae Rejistri nao hemi givimaot long evriwan deit mo taem blong “remote hearing”.
    
14. Yu mas konekt 10 minit bifo “remote hearing” i stat. Judisel ofisa bae hemi laswan blong joenem onlaen miting afta we evri pati i konekt.
    
15. Rijistra bae hemi ridimaot nem blng kes mo Judisel Ofisa bae askem ol loeia oli presentem olgeta mo talem nem blong olgeta we oli kam wetem hem. Bae Judisel Ofisa i infomem evri patisipen long olsem wanem nao bae “remote hearing” i tekem ples.
    
16. Ol Loeia oli mas tekem note long taem we oli gat ( spos i gat) blong tokbaot kes blong olgeta mo taem ia hemi inkludim tu taem we Kot bae i askem kwestin long olgeta.
    
17. “Remote hearing” wea posibol bae oli kondaktem hemi semak nomo, be maet samtaem bae hemi nogat tumas interaksen olsem we taem evriwan i stap insaet long wan Kot rum.
    

Note:

1. Loeia i save askem wan brek blong priperem wan riplae, tekem instruksen, o dil wetem eni samting we hemi no pripea from be wea i hapen long taem blong “remote hearing”. Wan pati i save askem wan brek spos hemi nesesari.
   
2. Wea posibol, Kot i ridim evri submisen bifo “remote hearing” mo olgeta loeia i mas rimemba blong stick long poen taem oli stap tokbaot olgeta poen long submisen blong olgeta.
   
3. I maet kat sam pati we oli atendem “remote hearing” tru long audio nomo.
   
4. Spos yu wantem toktok long semak taem we wan narafala patisipen i stap toktok, maet blong klarifaem wan samting, o resem wan objeksen olsem we yu save mekem taem evriwan i stap long Kot rum, yu leftemap hand blong yu long foret blong kamera olsem bae judisel ofisa hemi save luk. Yu save interuptem narawan be yu mekem i stret nomo be i no mas kam wan distepens. Spos yu joen tru long audio nomo yu wet kasem narafala pati i stop blong toktok mo yu letem Kot i save spos yu gat wan samting blong talem.
   
5. Taem we “remote hearing” i finis bae Jaj o olgeta Jaj oli kamaot o diskonekt fastaem afta bae Registra i just endem kol.
   

18. Spos eni patisipen i gat problem blong luk pija o oli no harem gud wanem we i stap hapen onlaen long Kot oli mas infomem Kot kwiktaem spos we hemia i afektem patisipesen blong olgeta long “remote hearing”. Long semak fasin, spos eniwan i luk se skrin blong wan patisipen hemi friz o hemi lus oli nid blong infomem judisel ofisa kwiktaem. Spos we hemi no posibol blong kontinu blong harem kes ia tru long video evriwan i save joen long audio nomo. Be samtaem bae oli save givimaot wan narafala deit mo taem we i stret long evriwan blong i kambak long hem mo patisipet.
    

Impoten Infomesen

19. Ol patisipen we oli joen long ol difren ples long wan onlaen hearing oli mas:
    
    1. Toktok i go stret long maekrofon taem yu adresem Kot.
    2. Mas save olsem wanem blong ofem maekrofon mo ofem video blong yu.
    3. Ofem maekrofon blong yu taem yu no toktok.
    4. Traem blong no muvmuv tumas.
    5. Lukluk gud olsem wanem blong putum kamera blong yu blong mekem se i nogat laet bihaen long yu we i save afektem eye blong ol narafala patisipen mo mekem sua se bakraon blong yu hemi klia.
    6. Toktok sloa mo klia.
    7. Ol audio saen oli impoten tumas long wan invaramen olsem. Spos we ol rimaks blong yu oli go tuwods wan patisipen, yu nid blong identifaem patisipen ia mo spos yu nidim hem blong i ansa long yu nao yu mas letem hem i save.
    8. Traem blong faenem wan ples we i nogat tumas noes long hem mo we bae i nogat wan i save distepem yu. Yu putum mobael fon blong yu long silent mo ofem ol notifikesen long divaes we yu yusum blong konekt long “remote hearing”
    9. Rimemba, yu no nid blong stanap mo ol loeia oli no nid blong werem wan gaon, be evri patisipen oli mas dresap fomol.
       

Eni patisipen we i wantem shoem wan “remote hearing” long wan bigfala skrin long wan grup i mas askem pemisen long Rejistri fastaem.

20. Ol patisipen long wan “remote hearing” oli mas folem semak rikwaemen we i aplae long ol pipol we oli stap long kot. Hemia olgeta rikwaemen ia:
    
    1. Yu no alao blong rikodem skrin (video) o audio o tekem eni foto. Hemia i minim se yu no save daonlodem o capjarem, long eni wei, sound o pija blong video tru long wan softwea o wan dijitol divaes we i inkludim wan telefon, mo yu no alao blong sherem eni samting we i hapen long kot kes.
       
    2. Yu no mas pablishim eni ripot blong wan kot kes we i stap gohed yet. Hemia i inkludim pablikesen blong eni material long sosel media o eni narafala media.
       
    100. Yu mas folem ol sapresen oda blong Kot - hemia i inkludim ol prohibisen blong pablikesen blong eni infomesen long sosel media.
         
21. Spos Kot i alawem yu blong folem wan onlaen hearing, hemia hemi wan direksen we Kot i givim long yu blong patisipet long “remote hearing” folem Protokol ia mo yu mas folem mo rispektem evri kondisen we i stap antap ia. Ol Kondisen ia oli stap blong kipim integriti blong ol proses blong Kot mo blong protektem praevesi blong olgeta we oli tekem pat long wan kot kes. Eniwan we i no rispektem Protokol ia, spesiali paragraf t), hemi olsem se hemi brekem wan oda blong Kot.
    

5. Protokol ia bae i stat long date we oli saenem.
   

Chief Justice V. Lunabek

Dated at Port Vila this 9^th day of March 2022.